VAL D'ARAN - ISTAMBUL

Imatges amics polacs

2010-12-01T04:55:00.000-08:00

Òla amics, aguesti darrers dies un e-mail me shautèc fòrça, es darrers cicloturistes polacs, Mirek & Gosia, que me trapé abantes d'arribar a Istanbul me han hèt arribar es imatges deth sòn viatge, aguesta ei era plana a on podetz campar era sua aventura per Europa der Est, son fòrça divertides e demori que vos agrade guardar eth son cicloviatge de 6200 kms, ei digne de campar.
Vos faciliti era direccion de picassa; http://picasaweb.google.com/rafaell331

24/08 Çorlu - ISTANBUL

2010-08-25T01:56:00.001-07:00

110km

6h 32min

Doça arribada ath destin deth viatge, damb problemes en cariòt. Mes ath finau trape deth destin finau.

Ua sensacion de felicitat anaue creishent mentre pedalaua ath can deth mar de Marmara.

Dempús de 3818 km, 44 jornades, damb fòrça calor, sene cap orientacion de tipe tecnologic (GPS) sonque damb mapes normaus, de parlar damb tot tipe de gent sonque me quede arregair a toti es que de bèra manera m'auetz ajudat a pujar-me ena bici cada maitin e tirar tà dauant;

Gracies

Gracias

Merci

Hvala

Хвала

Bladogaria, Благодаря

teşekkür

Mezquita Azul - Istanbul

23/08 Babaeski - Çorlu

2010-08-25T01:46:00.000-07:00

84km

5h 27min

Era D_100 Turca, en linha recta, damb es sues pujades e baishades, encara deishaue lòc a que contunhadament uns fòrt aire siguese present tota era jornada. Es panèus, cada viatge, anunciauen era proximitat deth punt finau d'aguest viatge, mes encara me mancaue ua jornada més.

En tot pedalar me trapé damb ua parella de Warsaw, e parelèrem de diuèrses causes sus Istambul e deth viatge que portauem, tan eri com jo.

Amics ena D_100 Turca

22/08 Kapitan Andreevo - Babaeski

2010-08-22T13:22:00.000-07:00

81km

5h 5min

Era entrada a Turquia a estat fòrça complicada, tà naut, tà baish, que se eth visat, que se calie era estampacion, que se açò que se... miei maitin perdut en "burrocracia". Era arribada a Edirne, pes sòns planèrs prats plei de vira-soleis non supasaue cap dificultat. Era estança en aguesta ciutat m'a hèt desbrembar eth país que acabaua de deishar, eth cambi a estat notable, carrèrs cuedats, gent en carrèr (non s'amagaue degús), policia, en ua paraula, normalitat.
Eth problèma ei eth terrenh, fòrtes pujades e baishades contunhades sense descans tot açò amiat damb un vent fòrt de costat que a viatges era bici se botjaue tath costat. Un esfòrç constant.
Era part bona, eth finau ei a tocar.

Edirne

21/08 Gorki Izvor - Kapitan Andreevo

2010-08-22T13:13:00.000-07:00

99km

5h 9min

Ben d'ora è vist plòir per segon còp en aguest viatge, era temperatura s'a tornat doça e rodar atau s'agraís, mès eth solei a tornat a sarrar en arribar eth meddia. Es darrèrs planèrs deth país ja non semblauen tan doci, es pujades e es baishades apareishien a pòc a pòc.

En arribar en darrèr pòble de Bulgaria d'aguesta jornada è decidit parar.

Harmanli

20/08 Pazardzhik - Gorki Izvor

2010-08-20T13:27:00.000-07:00

108 km

Enes carrèrs deth centre de Pazardzhik, de bon maitin, ja i auie moviment. Era calor non se deishaue sénter, mès mentre passauen es ores eth solei non deishaue ne caminar es gats. En miei dera jornada è passat per Plovdiv, ua grana ciutat fòrça toristica, e ei que a istòria, ath madeish temps que Sofia, 6000 ans que i a gent en aguesta tèrra.

Aguesta jornada tanben a estat planèra e semble que d'aciu ath destin finau serà mès de çò madeish.

Amfiteatre e ciutat de Plovdiv
Carrèrs dera ciutat vielha de Plovdiv

19/08 Sofia - Pazardzhik

2010-08-20T13:05:00.000-07:00

128km
6h 5min

Aguesta jornada non a cap interès, ena gessuda dera capital non è auut cap problèma, tot dret des deth centre e planèr.

Vistes ena cauçada 8 e E80

18/08 čiflik - Sofia

2010-08-18T14:55:00.000-07:00

117km
5h 28min

Serbia ja ei darrèr, superada; era entrada a Bulgaria non supause eth finau mès ei ath quèir. Era transicion entre es dos estats m'a deishat veir ua cua de 3km de camions demorant entrar en Serbia.

Era entrada a Sofia a estat incredible, 14km entà arribar ath centre, a on è trapat ua ciutat fòrça interessanta e polida. Era capital ei enorme en toti es sòns sentits.

Alexander Nevski Cathederal - Sofia
Sveta Nedelia - Sofia

17/08 Prokuplje - čiflik

2010-08-18T14:45:00.000-07:00

87km

4h 20min

Ues fòrtes pujades, mès cuertes, me demorauen sonque en gésser de Prokuplje, en pòga estona è arribat a Niš, a on era influéncia arab ja se vedie fòrça mercada. Era vielha ciutat deishaue veir es rebrembes dera invasion islamica. Aguest viatge trapar un café normau siguec mès aisit.

Eth camin, dejà, tà Bulgaria encara m'auie sauvat ua bona naua imatge, 16km entre nautes parets de pèira, Pali svelto.

Niš

Pali svelto

16/08 Jošanička Banja - Prokuplje

2010-08-17T03:59:00.000-07:00

106km
5h 38min

Era serada siguèc fòrça doça, peth ser es uelhs se barren e enquia que non apareish eth solei ne senti ne veigui. Seguraments eth darrèr pòrt deth viatge me lo trapé aguesta jornada. Es montanhes van aluenhant-se a fòrça de recórrer quilòmetres, bèth còp les auia de deishar darrèr.

Glèisa
Darrèr pòrt

15/08 Ribarići - Jošanička Banja

2010-08-16T14:56:00.000-07:00

79km

4h 16min

Damb er estomac sense aumplir es pedals non agarrauen eth ritme des jornades anteriores, trapar un café expresso ère fòrça complicat aguest maitin. Atau que dempús des 30km e de demanar ara gent deth centre de Novi Pazar per un locau a on poder tastar-lo, ath finau me seiguí ena "unica" cafeteria dera ciutat. A on me parlèren d'ua carrètera bona ta retalhar temps e trajècte.

Jošanička Banja

14/08 Jelovica - Ribarići

2010-08-15T04:46:00.000-07:00

93km

4h 53min

Gessuda de Jelovica damb baishada sonque començar, e deishant aguesta doça montanha direccion Serbia era sensacion que bèra causa d'aguest lòc m'emporti tà tostemps, ja que m'agradèc fòrça. Era vertat ei que Monte Negro m'agradat pòc a pòc, es montanhes nautes, es arrius, era gent, tot mens es granes poblacions.

Era jornada me portèc tà Serbia, mes ena gessuda deth pais ja me trapé auta sensacion, que abantes non auia trapat, eth cambi de religion, un cambi estonant que non demoraua trapar-me enquia era entrada a Turquia.

Rozaje
Entrada a Serbia

13/08 Raško - Jelovica

2010-08-15T03:44:00.000-07:00

46km
4h 47min

Intensa jornada damb ues pujades pro dures, damb fòrça trafic, mes damb ues vistes increibles. Eth cansament se barrege damb era emocion que i a quan era montanha ei acabada e arribi ena destinacion prevista.
Tot dempús de dinar auta montanha me demoraue, aguest viatge sense bodrum, 11km de pèira e sable, fòrça terribles que se convinauen damb era nauta montanha, donques superaua ues pistes d'esqui, entà poder arribar a Jelovica, a 1300mts de nautada. A on me trapé damb eth poema "Jelovice ti jedina"

Detall dera carretera 2 MNE

Pista de tèrra

12/08 Nikšić - Raško

2010-08-13T02:40:00.001-07:00

104km

7h 50min

Dempús de parlar damb Branko e Milan, eth camin a seguir a de cambiar, pera absència seguretat que i a en Kosovo, era ruta alternatiua; Serbia. Es causes se compliquen, tot non semble aquero qu'ei. Era gent ei simpatica, mes eth coneishement der anglés ei propèra a zero. Atau qu'auer un mapa dera zòna ei més facil comonicar-se. Encara que a viatges er italian, tanben vau.

Era jornada a estat espectacular, era transicion pes Valcans ei dura mes vau era pena èster aci. Es pujades non an nòm, encara demori hèr bèra baishada. Era jornada s'a transitat a nautades de 750 mts a 1600mts.

Krusevice
Ja i em, a saber qu'ei.

11/08 Dubrovnik – Nikšić

2010-08-13T02:25:00.000-07:00

113km
6h 43min

Damb fòrces suficients era gessuda aguest maitin de Dubrovnik e escalat era prumèra montanha que separe er interior dera còsta. Eth solei tornaue a manar. En tot passar es fronteres corresponents; Croatia - Bosnia - Monte Negro, eth prumèr pòrt de montanha des Valcans a hèt aparicion, terrible. Mès es sensacions eren bones, e ena baishada, lèu de net, Nikšić apareishie tota plia de gòi damb es sons lacs d'aigua transparent.

Nikšić
Gessuda de Dubrovnic

10/08 Slano - Dubrovnik

2010-08-13T02:13:00.001-07:00

51Km

Jornada tranquila, tà apareisher en Dubrovnik, darrera ciutat important dera còsta Croata. Descans, relatiu, pr'amor qu'era visita ara ciutat antiga siguèc fòrça interesant, es toristes invaien toti es carrers, es bars eren plei.

Mentre jo me intentaua relaxar entà afrontar es propères jornades.

Carrers de Dubrovnik
En tot hèr camin

09/08 Ploče - Slano

2010-08-10T09:41:00.000-07:00

75km

3h 45min

Dia de transicion entre estats, Croatia - Bosna i Hercegovina - Croatia, suficent tà trapar bèra diferencia entre cultures.

Era carretera tornaue ath madeish jòc, tornaue a semblar-se a ua serp, aguest viatge més que cap aute dia, pujades, baishades, dreta, querra. Era còsta jogaue damb era carretera tota era estona ath cant deth mar.

Auent a 30km Dubrovnik, aprofité tà disfrutar deth mar per darrer viatge, ja lèu tornaré as montanhes.

Vistes pera carretera 8 Croata.

08/08 Duće - Ploče

2010-08-10T09:26:00.000-07:00

97 km

5h 23min

Suau jornada damb era carretera entrant e gessent ath mar. Mentre recorria era còsta croata eth solei cauaue cada viatge més e més, 37 graus. Encara qu'era suau brisa der Adriatic e era velocitat enes baishadetes me refrescaue un shinhau. Markaska m'agradec fòrça, un suau pòrt, sense guaire gent, molt polit.

Era arribada a Ploče caiguda era net, non daue temps tà guaire més de bastir era tenda e sautar desús der sac.

Vistes der Adriatic, ena carretera.

Carretera 8 croata ena nautada de Brist

07/08 Vodice - Duće

2010-08-08T04:26:00.000-07:00

103km
5h 30min

Eth temps apuntaue mau, ua grana boira nera amenaçaue en trèir tota era sua carga. Atau donques, er ambient ère un shinhau mès doç, mès suau, ideau entà pedalar. Fenomenau, donques aué tocauen dos pòrts de montanha fòrça dificils, mès eth costat bon deth dia ère eth pòc trafic que me traparia.

Era enorme ciutat de Split neishie en tot deishar es montanhes ath darrèr. Plea de poligons industraus damb fòrça activitat, era entrada pera part vielha a estat era mès dificil de totes es que me trapé. Era gessuda, aguest viatge, a estat de bon hèr, atau coma era arribada en Duće.

Detalh dera 8 Croata, ena gessuda de Split.

06/08 Ljubač - Vodice

2010-08-08T04:07:00.000-07:00

91km
4h 50min

Semble qu'eth temps non sigue tà toti eth madeish, mentre un servidor pedale fòrça era gent ei estirada coma sarnalhes ath can deth mar Adriatic, en tot demorar tà cremar-se damb eth solei plan imponent que se lève dora peth maitin.

Era jornada me portaue a passar per Zadar, ua auta ciutat gessent ena mar, damb es carrèrs plei de granes lòses e, tanben, plea de toristes. Dempús de recórrer era ciutat, volia gésser més non i auie manèra, semblaue un "bucle", lèu toti es bastisses èren semblades, e entà préner era adreça corrècta a estat tot un "cine".

Era arribada en Vodice ère fòrça facil, un pòble ath can dera mar e plen de "caletes", aquerò òc, de pèira.

Pòrta de Zadar dera ciutat antiga

05/08 Rab – Ljubač

2010-08-06T02:28:00.001-07:00

85km

5h 13min

Eth ferry aguest maitin auie era partida tàs nau, non ère fòrça lèu mès era sòn encara non deishaue daurir es uelhs. Un viatge en Lun, ièrla de Pag, eth còs se desvelhaue ath madeish viatge qu’eth paisatge tornaue ath blanc, causa que a mesura qu’es bromes viegen se tornauen grises apatiques, anaua pedalant entà tornar hèr net a 15km de Zadar.

Pònt tà Pag
Lun

04/08 Kraljevica - Rab

2010-08-06T02:14:00.000-07:00

53km

3h 14min

Aguest maitin calie hèr camin tara ièrla de Krk tà trapar eth ferry tà Lopar eth dia ère suau. Valbiska ère eth punt a on eth batèu me portarie ara ièrla. Eth solei non deishaue de picar ena tèsta sense mesura, era calor anèc a mens en arribar ara còsta, eth mar endossiguec era intensa caumassa. En deishar eth ferry calie pedalar enquia Rab, pògui quilòmetres plei d’ua esséncia digna de veir.

Rab
Njivice

03/08 Opicina - Kraljevica

2010-08-04T03:24:00.000-07:00

108 km
6h 15min

Jornada entre païsi: Itàlia, Slovenia e Croatia. Era cauçada damb forma de serp, pujades e baishades sense cap compassion, mès eth trajècte me premiaue, mentre er esfòrç ère fòrça intens, un paisatge de soni. È gaudit fòrça en tot pedadalar entre còsta, montanha e còsta. En madeish dia es sensacions anauen cambiant fòrça, dera flaira deth mar ara aulor dera montanha entà tornar ara aulor deth mar. Er idiòma, tanben cambiaue, era gent e es oraris, un aute viatge tot torne a auançar-se.

Rijeka

02/08 Aquileia - Opicinia

2010-08-04T03:07:00.001-07:00

52,7 km
3h 12min

Jornada de semi-descans, sense córrer guaire e damb eth cap pensant en finau deth dia. Damb pòga estona, a miei dia, è arribat en Trieste. En tot recórrer es sòns carrèrs plei de gent e damb fòrça calor, daue gust trapar-se aquiu en miei. Ena tarde è coneishut a Albert e era sua gojata (de Vic) que acabauen eth sòn viatge per Slovenia.

Trieste

1/08 San Donà de Piave - Aquileia

2010-08-01T15:18:00.000-07:00

84 km
4h 8min

Un aute viatge, un dia bon e pista ciclable; aciu i a cultura d'anar en bici, ja pòrti fòrça temps descurbint carrils bici e facilitats tàs bicicletes. Era causa ja comence a cambiar. Era calor tanben ei diferenta, atau coma era flaira pr'amor era proximitat damb eth Mediterranèu. Dejà açò comence a èster auta causa. Açò demori....

San Donà de Piave

31/07 Motta (Este) - San Donà di Piave

2010-08-01T15:03:00.000-07:00

110 km
6h

Leugèra maitiada damb un bon solei pera pista ciclable deth Canal de Bisatto. Era pedalada aguesta jornada a estat plan bona. Era ambientacion tanben, tot ben organizat e damb fòrça lòcs estonanti. Ei un d'aqueri dies que se quède ena retina, pr'amor qu'es sensacions son fòrça diferents en un madeish dia: aulors, colors, paisatges... e d'autes causes.

San Antonio de Padova
Pista ciclable canal de Bisatto

30/07 Castel d'Ario - Motta (Este)

2010-07-31T04:50:00.000-07:00

73km
4h 9min

Damb era broma que non se vedie pas arren deth nas entà deuant è gessut. Ua auta jornada longa e planèra me demoraue, era madeisha carretèra que me pòrte tà Padova ss10. Camions, coches, gent en bici e a pè, ei Itàlia; te pòs trapar quinsevolh causa en lòc mens demorat. Era suspresa dera jornada a estat Montagnana; aquiu i è trapat un castèth medievau damb, possiblements, era creu occitana en una des sues pòrtes.

Detalh dera pòrta deth castèth
Entrada tath castèth de Montagnana

29/07 Cremona - Castel d'Ario

2010-07-31T04:39:00.000-07:00

93 km
5h

Era temperatura aguest maitin ère favorable tà pedalar, embromat e damb un suau vent favorable que refrescaue. Es longues rèctes non auien dificultat. Ne eth trafic ère guaire animat. Sòrt!! Era prevision entara jornada d'aué ère d'aigua, e ath finau s'an deishat veir timidaments quate gotes. Ja ère ora de veir quèir aigua deth cèu!!

Ben. Era jornada s'a acabat damb un bon sopar, pizza deth territòri e vino rossatto frissatto.

Mantova

Cremona

28/07 Broni - Cremona

2010-07-29T05:06:00.000-07:00

84 km
4 h 43 min

Gessuda de Broni damb fòrça mau de cap, mès content per trapar bones persones. M'auratz de perdonar mès aué sò un shinhau sensible. E ei que s'eth món l'hem entre persones, perqué i a persones dolentes que sonque pensen en hèr eth mau? S'ara fin toti passam per aguesta vida tà parar en madeish lòc: eth horat. Hè temps qu'aguest tèma ja ei tractat e non ei era mia intencion hèr-ne un monològ. Sonque m'agradarie que siguesse ua reflexion de caractèr individuau e personau.

Sus era jornada, me quedi damb es bones sensacions deth centre de Piacenza e es sòns carabinieri ciclistes.

Centre de Piacenza
Carabinieri

27/07 Valmadonna - Broni

2010-07-29T04:52:00.000-07:00

75 km

4h 21min

Arribada en Alessandria fòrça complicada, dempús de réber era ajuda dera gojata dera Oficina de Torisme, è tornat a hèr quilomètres pera ss 10, coma hèsqui dejà uns dies en direccion tà Cremona. Peth camin e ja de net, è parat en un B&B en Broni. Salve Maria e Mario que m'an tractat fòrça ben, damb un bon sopar, mielhor companhia e fòrça limonchello. Un lòc tà tornar.

Io sonno molto contento de dormire en questa casa.

Broni

26/07 Roreto di Cherasco - Valmadonna

2010-07-27T07:53:00.000-07:00

94, 27 km

5h 29min

Sense arren que condar, sonque que tot ei planèr, qu'era calor ei fòrça importanta e que non i a lòcs tà poder connectar-se a wifis tà escríuer; aguesta darrèra ei era novetat més estonanta deth dia.
Sus era fotografia d'aué díder qu'aguest pegasolet a estat present enes vals provençaus franceses e ena part italiana, tanben enquia Cueno.

25/07 Pietraporzio - Roreto di Cherasco

2010-07-27T07:46:00.000-07:00

103km
5h 30 min

Baishada pera Valle Stuo, d'impressionantes vistes, enquia Cuneo. Fòrça calor e fòrça content per trapame en un aute país. A compdar d'aciu sonque me rèsten uns 600 kms tà passar a un aute país, lèu arren!! Aquerò òc, sonque qu'ei planèr e mès planèr ...

Cuneo

24/07 La Bréole - Pietraporzio

2010-07-27T07:27:00.002-07:00

78km
5h 22 min

Intensa jornada, damb ua cauçada que non deishaue descans, tan lèu se baishe coma pòs trapate un pujada fòrta. Viatjant pera val, direccion a Barcelonette, è anat peth costat deth Lac de Serre-Poçon, una estampa fòrça polida. Ara lèu, ja me trapi era pujada deth Col de Larche, eth quau me portarà tà Itàlia, un viatge nau; a compdar d'ara ja tot ei baishada enquia Cuneo, mès que me dromirè abantes pr'amor que ja què era net. Aguesta ja ei era darrèra montanha des Alps.

Col de la Larche (FR) Col de la Maddalenna (IT)

23/07 Curel - La Bréole

2010-07-24T06:13:00.000-07:00

89 km

5h 58min

Doça jornada en tot baishar era Val de Jabron e en tot arribar a Sisteron, passant dues vals mès. Eth paisatge ei fòrça polit, eth clima a començat a cambiar e era calor non sarre tant coma abantes. Mès açò son es Alps e quan mens t'ac demores es arribents comencen a veder-se un aute viatge. Era ruta escuelhuda ei secondaria, aumens non i a coches e se pòt hèr doçaments. E era dificultat ei ua auta causa ...

Sisteron
Les Tourniquets
En tot hèr camin

??????

22/07 Bedoin - Curel

2010-07-24T05:23:00.001-07:00

80 km
6h 24min

Menu du Jour:

-Entrée: Le Mont Ventoux (enquiath chalet de Reynald 15km)

-Plat du jour: Col de Macuègne 12km.

-Dessert: Col de la Pigière 3km

Sense Comentaris.

21/07 Bedoin - Mont Ventoux - Bedoin

2010-07-24T05:17:00.000-07:00

61 km

Semi-descans, en tot profitar eth dia m'arribé ath tuc d'aguesta montanha istorica deth Tour de France, pera part mès "doça", coronant eth Col de la Maddelenne, abantes, atau que comencè es 22 km per Malaucène. Francament, ua animalada de montanha. I auie fòrça ciclistes, holandesi, francesi, belgues, americans, australians... tot amant dera bicicleta ère aquiu patint metre a metre, damb es sues respectiues rampes deth 3, 4, 5, 6, 7, 8, 9, 10, 11 %.......en fin, coma ja è dit jornada de semi-descans.

Le Mont Ventoux per Malaucène

Le Mont Ventoux

20/07 Avignon - Bedoin

2010-07-24T05:09:00.001-07:00

62,4 Km

4h 28min

Caos!!!! En tot voler gesser de Avignon, es carreteres que es panèus indiquen son es des granes vies. Autopistes e Autovies. Per poder se pòt, mes non ei bric recomanable anar-i. Atau que damb tota era paciencia deth mon, anaua preguntant a tota persona der entorn coma gèsser d'aguesta ciutat. Costec, tà que enganhar-mos, mes trapè eth camin enquia Bedoin ath pe deth Mont Ventoux.

Rotonda en commemoracion deth prumer viatge clicloturista ena gessuda de Avignon.

Le Mont Ventoux des de Bedoin

19/07 Aimargues - Avignon

2010-07-20T05:03:00.000-07:00

93,69 Km
5h 20 min

Doça pedalada entre un carril bici e bèra carretèra secondaria. Torne a hèr calor, tot e que è anat trapant hònts. Ues vistes ben bones ath Rhône pendent es darrèrs 20 km.

Un viatge en Avignon auia de recorrer es carrèrs gòtics dera ciutat, a on me trapat un festivau d'actors per toti es carrèrs, era ciutat ere viua tant de dia coma de net.

En restaurant, dinant, me trape a dos anglesi que tanben hègen un tour per aguesta part de França.

Plaça deth Palais des Papes
Eth Rhône per Avignon

18/07 Mireval - Aimargues

2010-07-20T04:55:00.000-07:00

75, 32 km
4h 12 min

Era orientacion ei un "handicap" a superar, aguesta part de França ei plia de camins, carreteretes e autovies, des que, coma podetz pensar, es indicacions son tàs granes carreteres, autovies e autopistes. Damb aguest petit problema, anar tà dauant e tà darrèr a estat era tonica deth dia. Mes aquerò de més ei que trapé era direccion correcta.

Bassin de Palavas
Aigues Mòrtes

17/07 Villenueve de Bèziers - Mireval

2010-07-17T15:39:00.000-07:00

77 km

4h 13min

Calor, aguesta ei era maxima d'aguest jour, CALOR!!!! Eth Mediterrani ere caud aguesta tarde, dempús de dinar en Agde e pedalat entre eth mar, ara dreta e eth "Etang de Thau" ara quèrra en direccion Sète. Impresionanta aquera platja.

En Sète e pogut vèir coma antigament se solucionauen es problèmes en aguest pòble.

Villenueve de Bèziers

Platja de Sète

Justes en Sète

16/07 Carcassonne - Villenueve lès Bèziers

2010-07-17T15:37:00.000-07:00

126 km

6h 45 min

Damb ua gessuda ara ora, lèu, er aprofitament dera jornada a estat ua realitat. Eth dinar a estat ua degustacion deth minjar francés damb eth sòn corresponent melon, coma "dessert". Era arribada a Béziers a estat molt impactant, pr'amor qu'eth torisme que i a entorn as nau escluses ei fòrça important. Era calor cada dia sarre més. Eth pas peth "Tunnel de Malpas" a estat fòrça estonant pr'amor qu'era pèira catada dèishe passar eth canau doçamens.

Escluses de Béziers

Béziers

Pas deth "Tunnel de Malpas"
Batèu en "Canal du Midi"

15/07 Carcassone - Descans

2010-07-15T05:45:00.000-07:00

Era "Cité Médiévale"

14/07 Castelnaudary - Carcassonne

2010-07-15T05:30:00.000-07:00

48, 7 km

3h 26 min

De bon maitin dejà apareisheren uns problemes tecnics damb eth cariòt, que gracies as bones intencions d'uns campistes francesi poderem gésser-mos. era gessuda siguec tardiua, tas 12:00 ja era pedalant ath can deth "Canal du Midi". Un shinhau dempús me trapé damb Brend e contunherem enquia Carcassonne.

Era "Cité Médiévale"
Eth pònt medievau
Castelnaudary

13/07 Rieux Volvestre - Castelnaudary

2010-07-15T05:17:00.000-07:00

97 km

6 h 02 min

Gessuda tranquila, damb un temps embromat, podie plòir en quinsevolh moment. Era adaptacion deth materiau ara pista de terra deth "Canal du Midi" non a estat guaire bona; eth cariòt auie quaque problema.

Peth camin è coneishut a Brend, una Aleman, damb qui auem sopat amassa e dempús auem anat tath pòble a hèr ues bières. Ere era "Fête Nacional", ben un ser abantes, que aquiu la celebrauen, e nosati tanben.

"Canal du Midi"
"Canal du Midi"

Gessuda de Auterive
Esclusa de Gardouch

12/07 Val d'Aran - Rieux Volvestre

2010-07-15T04:18:00.000-07:00

136 km

6h 35 min

Prumèr dia de camin, pera pista "Cyclable" desde Cierp enquia Rieux. Eth camin ei plan doç, e era adaptacion ath cariòt a estat satisfactòria. Sonque e patit quaque espan quan era velocitat ere pro nauta.

Eth paisatge ei plan polit, pòc a pòc, mentre, me trapaua cada viatge més luenh dera val, eth terrenh s'aplanaue e era montanha deishaue es sues formes entà convertir-se en prats trabalhats e casetes ath can dera carretera. Mentre baishaua peth can deth Garona, vedia coma er arriu anaue agarrant ues dimensions pro granes.

Foto; St. Beat

Prepauses

2010-06-29T08:35:00.000-07:00

Açò comence a bastir-se. Pòc a pòc era data de gessuda s'aprope, tot ac cau acabar de barrar, es preparatius ja son lèu d'amiasse. De ganes non en falten.

Seran 3000 km e més, sense GPS, e en solitari.

2010-06-02T13:24:00.000-07:00

Poco a poco el tiempo para la salida se acerca, espero que los preparativos se aceleren y que julio no sea lluvioso, aunque esto ultimo me trae sin cuidado, si llueve nos mojaremos, si hace sol nos quemaremos. estamos preparados para todo, a estas alturas solo una fastidiosa lesión de ultima hora puede alejarme de este proyecto.

Tercer viaje - ISLANDIA 2007

2010-05-04T09:54:00.000-07:00

La preparación para este viaje fue algo más elaborada que para los anteriores. Las bajas temperaturas hicieron que la provisión de ropa de abrigo fuera necesaria, así como la tener la información necesaria para poder atravesar la isla por su centro, por el desierto. El peso del equipaje, también fue un problema para no tener que pagar un exceso de equipaje, tan solo pagué la bicicleta como extra. Tras tenerlo todo calculado me lancé a esta aventura el 8 de julio del 2007.

Día 0;

Día 1; Keflavik - Hveragerdi 112 km.

Grindavik

Día 2; Hveragerdi - Hvolsvöllur 72 km.

Día 3; Hvolsvöllur - Seljavellir 68 km.

Día 4; Seljavellir - Vik 51 Km.

Playa de Vik

Día 5; Vik - Kirkjubaejarklaustur 78km;

Día 6; Kirkjubaejarklaustur - Skaftafell 73 km;

Ring Road

Skógafoss

Día 7; Skaftafel - Kirkjubaejarklaustur 73 km;

Parque natural de Skaftafell y Jökulsarlón

Día 8; Kirkjubaejarklaustur - Bláfjall 63 km;

Día 9; Bláfjall - Sigalda Fremri 71 km;

Camino a Landmannalaugar

Día 10; Sigalda Fremri - Nýidalur 107 Km;

Día 11; Nýidalur - Sierra de Kidagil 57 km;

Día 12; Sierra de Kidagil - Fosshoóll//Godafoss 89 Km;

Volcán

Adeyjarfoss

Día 13; Fosshoóll//Godafos - Reykjahlid 55 Km;

Día 14; Reykjahlid - Krafla - Reykjahlid 30 Km;

Día 15; Reykjahlid - Húsavik 60Km;

Námafjall

Mar de lava del Krafla de su última erupción en 1984

Día 16; Húsavik;

Día 17; Húsavik - Akureyri 60 km;

Día 18; Akureyri;

Un gnomo y la catedral de Akureyri

Algunas Fotos de Tallin - Praha 2005

2010-05-03T17:17:00.000-07:00

Tallin - Praha 2005

2010-05-03T16:35:00.000-07:00

Este fue el itinerario;

Tallin - Pärnu 180 km

Pärnu - Pärnu 18 km

Pärnu - Riga 101 km

Riga - Jelgava 80 km

Jelgava - Siauliai 90 km

Siauliai - Tytuvénai 84 km

Tytuvénai - Kaunas 140 km

Kaunas - Warsawa Tren

Warsawa - Kraków Tren

Kraków - Oswiecin 72 km

Oswiecin - Ostrava Tren

Ostrava - Odry 60 km

Odry - Olomuc 60 km

Olomuc - Brno Tren

Brno - Praha Tren

Tallin - Praha

2010-05-03T16:23:00.000-07:00

Segunda aventura junto a Eric Miranda, repúblicas bálticas.

Camino de Santiago2004

2010-05-03T15:34:00.000-07:00

El Camino de Santiago fue la primera aventura que emprendí. 1400 km, 13 días, Boca sur del Túnel de Vielha hasta Finisterre. Pasando por las poblaciones de peregrinaje correspondientes, que ahora mismo no alcanzo a recordar. Muchas etapas las recuerdo con alegria y otras, en cambio, prefiero dejarlas en el fondo de mi memoria. Pero la experiencia fue muy positiva, realmente excitante y recubierta de aventura. De recorrer kilómetros y kilómetros en busca de un cobijo, de llevarse algo a la boca cuando no lo tienes allí, y de avanzar cuando tu cuerpo te pide que pares. A todo esto debo añadir que el camino hace que reflexiones sobre la cosa que en tu vida cotidiana no necesitas y te deja ver lo que, en realidad, se necesita y lo que no.

Así que tan solo tengo buenos recuerdo del Camino del 2004, año Xacobeo, y de todas aquellas personas que me encontré, que me ayudaron o que simplemente me indicaron la forma de llegar al próximo destino. ULTREIA!!!!!